Experimento 3 / 2018-2019.

Separación de mesturas heteroxéneas por imantación.

 Punto de partida:

Seremos capaces de separar area e clips sen tocalos coas mans?

Hipótese:

A hipótese do alumnado é que si poden separar os clips da area sen tocalos se empregan un imán.

Experimentación:

• Materiais:

        Báscula.

        Placa Petri.

        Imán.

        Area (40g).

        Clips (1g).

        Cubeta.

        Espátula.

• Procedemento:

1. Sobre a báscula colocamos a placa Petri e poñemos  a básula a cero (tarar).
2. Pesamos 50g de area. Retiramos a placa e botamos a area na cubeta.
3. Colocamos de novo a placa Petri sobre a báscula. A continuación, volvémola a poñer a cero (tarar).
4. Pesamos 1g de clips. Retirámolos e botámolos na cubeta.
5. Mesturamos a area e os clips coa espátula.
6. Pasamos o imán preto da mestura e observamos que os clips son atraídos.
7. Comprobamos que temos os mesmos gramos de clips que ao comezo.

Observacións:

Observamos que ao aproximar o imán os clips son atraídos polo. 

Conclusións:

O imán atrae ao metal.

 Separación de mesturas heteroxéneas por decantación.

 Punto de partida:

Seremos capaces de separar unha mestura heteroxénea formada por auga e aceite?

 Hipótese:

A hipótese do alumnado é que si poden separar a auga e o aceite empregando unha culler.

Experimentación:

• Materiais:

        Aceite (100ml).

        Auga (100ml).

        Soporte e aro.

        Pinzas de suxeición.

        Vasos de precipitados.

        Funil de decantación.

• Procedemento:

1. En primeiro lugar colocamos o aro no soporte e sobre o aro colocamos o funil de decantación.
2. Comprobamos que a billa do embude está pechada.
3. Colocamos un vaso de precipitados debaixo do funil.
4. Medimos 100ml de aceite nun vaso de precipitados.
5. Baleiramos con coidado o aceite no interior do funil.
6. Medimos 100ml de auga que baleiramos a continuación no embude.
7. Como a auga e máis densa observamos que vai ao fondo e o aceite flota sobre ela.
8. Deixamos repousar ata que o aceite está todo na superficie.
9. Abrimos con coidado a billa e vemos como vai saíndo a auga.

Unha variante sería tinguir a auga con colorante.

Observacións:

Observamos que ao mesturar a auga, o aceite sube e a auga baixa.

Conclusións: A auga é máis densa e por iso baixa ao fondo, mentres que o aceite sube debido a que ten menor densidade que a auga. 

Experimento 3/2018- MESTURAS HETEROXÉNEAS- SEPARACIÓN POR DECANTACIÓN.

Neste experimento imos separar unha mestura heteroxénea de líquidos (auga e aceite) mediante o método de decantación.

Materiais:
Soporte + aro
Pinzas de suxeición
Funil de decantación
Vasos de precipitados
Aceite 100 ml
Auga 100 ml

Experimentación:
Colocamos o aro no soporte.
Sobre o aro colocamos o funil de decantación.
Asegurámonos que a billa do embude está pechada.
Colocamos un vaso de precipitados debaixo do funil.
Baleiramos con coidado o aceite no interior do embude.
A continuación baleiramos a auga.
Como a auga é máis densa, observamos que vai ao fondo e o aceite flota sobre ela.
Deixamos repousar ata que o aceite está todo na superficie.
Abrimos con coidado a billa, e vemos como vai saíndo a auga.

Experimento 1/2018.- MESTURAS -LÁMPADA DE LAVA

Materiais:

• Bote de vidro reciclado.
• Auga
• Colorante alimentario
• Aceite de Xirasol
• Pastilla efervescente 

No bote de cristal botamos o aceite e a continuación a auga. Como son dous líquidos non miscibles (non se mesturan), observamos que o líquido máis denso (auga) vai ao fondo e o menos denso flota (aceite). Deixamos repousar.

Botamos unhas gotiñas de colorante alimentario na mestura (8), observando que pasan a través do aceite (son máis densas) e flotan na auga, pouco a pouco comeza a disolverse nela.
Engadimos a pastilla efervescente partida en 4 anacos.
Agardamos e comezan a facerse burbullas, que suben e volven baixar.

Conclusións:
A pastilla efervescente solta gas, e provoca burbullas na auga que soben á superficie por ser menos densas.
Cando o gas desaparece, volven baixar porque a auga é máis densa que o aceite.