Experimento 5 2018/19: Crear unha nube nunha botella.

PUNTO DE PARTIDA:

Preparamos o experimento do seguinte xeito:
Collemos unha botella de cristal. Medimos aproximadamente 40 ml de alcol e introducímolo na botella. Taponamos a botella cun corcho de cortiza, cortándoo un pouco para que non sexa moi groso e poidamos atravesar coa agulla dun infrador de aire de balón ou bicicleta.

Pregunta:   
Como podemos facer para crear unha nube na botella?

Hipóteses:
 - Metendo aire dentro co inflador
 - Quentando o alcol cunha chama, para que se evapore a auga e logo metemos máis aire dentro da   botella co inflador.

Experimentación:

•     Materais:

       - Unha botella de vidro de 1 litro.
       - Un tapón de cortiza.
       - Un inflador de balón.
       - Un vaso de precipitados para medir o alcol.
       - 40 ml de alcol.

     

• Procedemento:  

Medimos 40 ml de alcohol e vertémolo na botella. Cortamos o corcho pola metade, para que non teña demasiada altura e se poida atravesar coa agulla do inflador. Collemos a agulla e atravesamos o corcho. Axitamos a botella, de xeito que o alcol molle ben todo o interior desta. Logo conectamos a agulla do inflador con este, e, suxeitando o corcho, procedemos a accionar o inflador, introducindo aire a presión dentro da botella ata que notemos que custa traballo meter máis.
Cando suceda isto, accionamos o válvula do inflador para que se separe e quede só a agulla dentro do corcho.

Observación:

A medida que introducimos aire dentro da botella, non observamos ningún cambio considerable, a non ser que a superficie do alcol se move un pouco, pero concluimos que é debido a que o aire que entra move ao alcol, coma se se tratase de vento.
Cando sacamos o extremo do inflador, observamos que instantaneamente se forma dentro da botella unha néboa blanquecina que ocupa toda a botella e semella unha nube. Temos que agardar un anaquiño para que dita néboa vaia desaparecendo.

Conclusión:
Ao introducir aire a presión co inflador, fai que a presión que hai dentro da botella aumente, xa que as moléculas do aire se xuntan máis e exercen presión sobre as paredes da botella, porque queren separarse. Este aumento de presión provoca tamén un aumento de temperatura, xa que as moléculas do aire, ao estar máis xuntas. se moven máis rápido. Ao aumentar a temperatura, o alcol evapórase máis rápido, aínda que non o vemos, pero está aí dentro da botella.

No momento en que desconectamos o inflador, sae o aire que antes introducimos, e presión dentro da botella disminúe rapidamente. Isto provoca que a temperatura tamén baixe, e fai que o vapor que hai dentro se condense (pasa de estado gasoso a líquido), formándonse pequenas pingas de auga, que sí son visibles e forman a néboa branca que vemos.

 O mesmo  fenómeno ocorre na atmosfera: o vapor de auga, ao ascender na atmosfera, vaise arrefriando, ata que se condensa, formando pequenas pimgas de auga, que é do que están formadas as nubes. Cando as pinguiñas están moi xuntas, se unen unhas coas outras, formándonse cada vez pingas máis grandes. Cando son o bastante grandes coma para que o seu peso sexa superior á presión atmosférica que se exerce hacia arriba, caen e prodúcese así a chuvia.

Fai clic sobre os seguintes vídeos se queres observar o experimento.

Para ver máis fotos, fai cli AQUI

Experimento 4 2018/19: Baleirar unha botella coa presión.

PUNTO DE PARTIDA:

Preparamos o experimento do seguinte xeito:
Collemos una botella de 33 cl de auga, facésmollo un burato na parte superior, cerca do pescozo da botella. introducimos unha palliña por dito burato, de xeito que a parte que non dobra se chegue ao fondo da botella,a, e sellámola ben  con unha pistola de silicona quente, para que non haxa entrada nin saída de auga. Logo introducimos na botella auga mesturada con un colorante alimentario (simplemente para que se visualice mellor o experimento). A altura do nivel de auga debe quedar un pouco máis abaixo co do burato.


Pregunta:   
Como podemos baleirar a botella sin inclinala e sin facerlle ningún burato?

Hipóteses:
 - Chupando pola  boca da botella
.  Absorvendo pola palliña
-  Non hai que facer nada, sae soa (resposta dada antes de introducir a auga dentro da botella)

Experimentación:

•     Materais:

       Un vaso de precipitado ou calquer outro recipiente para verter nel a auga e mesturala co                        colorante.
       Un palliña das que dobran.
       25 cl de auga, apoximadamente.
       Unhas gotiñas de colorante alimentario.
       Algo para mesturar a auga co colorante( culler).
       Un globo.
       Unha pistola de silicona quente.
       Unha tesoira para facer o burato na botella.

      

• Procedemento:  

Facemos un burato na botella, un pouco máis abaixo do seu pescozo , Introducimos a palliña polo burato e sellámola coa pistola de silicona.

Mesturamos a auga co colorante alimentario no vaso de precipitado e vertémola dentro da botella., de xeito que o nivel da auga quede un pouco un pouco máis abaixo ca o burato da palliña.

Facemos a pregunta arriba indicada e escoitamos as hipóteses que van aportando, descartando algunas. 
Posteriormente dámoslle un globo e decísmolle que teñen que utilízalo tamén,
Xurden novas hipóteses coma:
-metemos a boca do globo inflado na boca da palliña e apretamos.
- metemos a boca do globo inflado na boca da botella e apretamos o globo coa man.

Observación:
Colomos o vaso de precipitados ao lado da botella, e introducimos colocámolo de xeito que ao saír a auga pola palliña, esta caiga en dito recipiente.

Inflamos o globo e retorcémolo un pouco cerca da boca, dándolle unhas voltas para que non se desinfle ao introducilo na boca da botella. Pedísmolle que o fagan, en parellas, un alumno suxeita a botella e outro introduce o globo na boca da botella, sen deixar de presionar a parte do globo que está retorcido, para evitar que se entre o aire na botella ata que todos estén atentos ao que sucede ao deixar de presionar na boca do globo.

Cando introducimos o globo na boca da botella non sucede nada ata que deixamos que presionar a boca deste. nese momento, observamos que empeza a saír auga pola palliña, e o globo se vai desinflando. A botella chega a baleirase totalmente.

Conclusión:
O aire que está dentro do globo ten moita presión, porque as súas moléculas están moi xuntas, queren separarse, e exercen unha forza para saír, que se chama presión.
Cando introducimos o globo na botella e deixamos de presionar a súa boca, a presión que ten dentro fai que salga con forza, e entre na botella, na que o aire ten menos presión. Este aire que entra na botella fai que tamén o aire da botella aumente a súa presíon,. Esta presíon do aire empurra a auga da botella hacia abaixo, e fai que  esta suba pola palliña. ataa baleirarse a botella totalmente.

Podes observar o experimento no seguinte vídeo. 

Experimento 3 2018/19: que é a presion atmosférica

PUNTO DE PARTIDA( coñecementos previos)
Preparamos o experimento do seguinte xeito:
Botamos un pouco de auga mesturada cun colorante alimentario nun prato fondo. Colocamos no centro do prato unha vela. Explicamos que imos acender a vela e logo cubriremos a vela cun vaso. Preguntamos que pasará, ata que todos teñan claro que, cando se acabe o osíxeno que hai no interior do vaso, a vela  apagarase, porque calquera combustión consume osíxeno e desprende dióxido de carbono e vapor de auga

Pregunta:   
Que pasará cando a vela se apague?

Hipóteses:
 - Que o vapor de auga se condensa no vaso e se produce algo parecido a unha chuvia.
-  Que a vela se volve a acender, porque o dióxido de carbono e o vapor de auga se volven a transformar en osíxeno.
Experimentación:

•     Materais:

       Un vaso de precipitado ou calquer outro recipiente para verter nel a auga.
       Un prato fondo
       100 cl de auga, apoximadamente.
       Unhas gotiñas de colorante alimentario.
       Unha vela.
       Un vaso de vidro.
       Cerillas ou un mecheiro.

      

• Procedemento:  

Mesturamos a auga co colorante alimentario. Vertémola no prato. Colocamos a vela no centro do prato e acendémola co mecheiro. Logo cubrimos a vela co vaso boca abaixo e estamos moi atentos ao que sucede a coninuación.

Observación:

Ao tapar a vela co vaso, esta sigue ardendo durante uns segundos, pero logo apágase. Case no mesmo instante que esto sucede, entra máis auga da que había antes dentro do vaso, de xeito que o nivel que alcanza esta dentro do vaso é considerablemente máis alto que o nivel da auga que queda no prato.Trátase de tratar de explicar porqué ocorre este fenómeno.

Conclusión:

Cando colocamos o vaso sobre a vela acendida, como esta desprende calor, quenta a columna de aire que hai encima dela. O aire quente pesa menos ca o aire frío, xa que as súas moléculas están máis separadas; pero no momento en que a vela se apaga, o aire que hai dentro do vaso arrefriáse, as súas moléculas xúntanse máis e ocupa menos espazo. Créase así unha diferencia de presión entre o aire que hai dentro do vaso e o que hai fóra. A presión tende a igualarese, e entón o aire que está fóra do vaso quere entrar, para que se igualen as dúas presións. Non pode entrar, porque na boca do vaso hai auga, non aire, pero empurra á auga do prato (exerce presión sobre a auga do prato). por iso entra auga dentro do vaso.

Isto mesmo ocorre na atmosfera: cando unha masa de aire se quente ou arrefría,  fai que as presións atmosféricas varíen e as masas de aire se despracen, para intentar igualarse. Esto é un dos fenómenos que provoca os ventos.

PARA ACCEDER A MÁIS FOTOS DO EXPERIMENTO, CLICA AQUÍ

Podes observar o experimento no seguinte vídeo.