Experimento 6/2018: Cores que escapan

Consiste en observar o movemento de diversos colorantes pola superficie dun recipiente cheo de leite ao aplicarlle unhas gotas de xabrón líquido.

Materiais:

Prato fondo

Leite (200 ml)

Colorante

Xabrón líquido

Experimento

Botamos o leite no prato  e a continuación engadimos unhas gotas de varios colorantes que aboian grazas á tensión superficial, propiedade pola que un líquido se comporta como si sobre el existise una membrana.

Cando engadimos o xabrón líquido, o colorante dispérsase cara aos bordes do recipiente. Isto sucede porque o xabrón ten a propiedade de diminuir a tensión superficial e rompe a “membrana”.

As cores mestúranse e parece que escapan dende o centro do prato cara aos bordes.

Experimento 5/ 2018 : Mesturas con cambio de cor

Neste experimento imos comprobar como a auga tinguida con colorante alimentario recupera a transparencia cando lle engadimos lixivia.

Materiais:

Vaso de precipitados

Vareta  de vidro

Contagotas

Auga, 200 ml

Colorante alimentario

Lixivia  (Hipoclorito de sodio, CL O Na)

Experimento:

Medimos 200ml de auga cun vaso medidor.

A continuación engadimos unha gota de colorante e axitamos coa vareta de vidro.

Collemos co contagotas 5 ml de lixivia e engadímola á mestura.

Axitamos de novo e comprobamos como a auga vólvese de novo transparente.

A cantidade de lixivia empregada depende da concentración de hipoclorito de sodio do produto, que varía segundo a  marca comercial.

Experimento 4/2018.- MESTURAS HETEROXÉNEAS- SEPARACIÓN POR IMANTACIÓN

Neste experimento imos separar unha mestura heteroxénea (area +limaduras de ferro) polo método da imantación.

A simple vista pódense observar as limaduras entre os grans de area.

Materiais:

Balanza

Placas Petri

Espátula

Papel

Imán

Gafas de protección.

Area 20 g.

Limaduras de ferro 1g.

Experimento

Sobre a balanza colocamos unha placa Petri, e poñemos a báscula a cero (Tarar)

Pesamos 1 gramo de limaduras de ferro. Retiramos.

Noutra placa pesamos 20 gramos de area.

Sobre un papel mesturamos ben coa espátula a area e as limaduras.

Envolvemos o imán nun papel para que as limaduras non se queden pegadas ao imán.

Pasamos o imán preto da mestura e observamos que as limaduras son atraídas por el.

Imos retirando as limaduras para a placa Petri, e pasándoo de novo. 

Comprobaremos que as limaduras retiradas por este método, pesan o mesmo que ao comezo (se é así, estarán todas retiradas) e a mestura separada.

Poñeremos as gafas de protección, xa que as limaduras poden introducirse facilmente  nos ollos.

Neste experimento tamén repasamos as magnitudes e unidades de masa.

Experimento 3/2018- MESTURAS HETEROXÉNEAS- SEPARACIÓN POR DECANTACIÓN.

Neste experimento imos separar unha mestura heteroxénea de líquidos (auga e aceite) mediante o método de decantación.

Materiais:
Soporte + aro
Pinzas de suxeición
Funil de decantación
Vasos de precipitados
Aceite 100 ml
Auga 100 ml

Experimentación:
Colocamos o aro no soporte.
Sobre o aro colocamos o funil de decantación.
Asegurámonos que a billa do embude está pechada.
Colocamos un vaso de precipitados debaixo do funil.
Baleiramos con coidado o aceite no interior do embude.
A continuación baleiramos a auga.
Como a auga é máis densa, observamos que vai ao fondo e o aceite flota sobre ela.
Deixamos repousar ata que o aceite está todo na superficie.
Abrimos con coidado a billa, e vemos como vai saíndo a auga.