Experimento 10/2018.- A vela que fai subir a auga.

Hoxe imos ver de maneira sinxela o efecto da presión atmosférica que exerce sobre a auga.
Materiais:

• Unha vela.
• Un mecheiro ou mistos.
• Un vaso.
• Un plato fondo.
• Auga.

Procedemento: 

• Colocamos coidadosamente a vela no prato e acendémola.
• Botamos agua no prato sen que apague a chama.
• Cando a chama estea estable, cubrímola co vaso.

Observaremos que pouco a pouco a chama vaise apagando, ao consumir o osíxeno
que hai dentro do vaso. Finalmente, a chama apagarase e o vaso absorbe parte da auga do prato. ¿Por que ocorre isto?

Explicación:

O aire que está dentro do vaso quéntase e aumenta a presión sobre a auga do prato, impedindo que entre no vaso. Cando se apaga a vela (por  falta de osíxeno) a temperatura baixa e o gas comprímese, a presión baixa e a auga sobe ata que a presión interior se iguala coa exterior.

Esta é unha explicación simplificada xa que neste experimento son varios os fenómenos que interveñen.